Кристин Лагард-раиси Сандуқи Байналмиллалии Пул ё IMF ҳушдор дод, ки коҳиши будҷаҳои масориф метавонад иқтисоди ҷаҳониро боздорад. Хонум Лагард дар шумораи имрӯзи рӯзномаи "Financial Times" гуфтааст, чунин кор метавонад дурнамои ба вуҷуд овардани ҷоҳои кориро зери хатар бибарад. Тавзеҳоти Лагард дар ҳоле садо медиҳад, ки кишварҳои пешрафтаи иқтисодӣ, аз қабили Амрикову Иттиҳодияи Аврупо мехоҳанд бӯҳрони қарзи худро сабуктар кунанд ва чунин кор метавонад рушди иқтисодро дар чаҳон заиф созад.
