Пас аз се шаби хушунату ғоратгариҳо бо афзоиши чашмгири теъдоди полис дар кӯчаҳо вазъи Лондон ором шуд. Наздик ба 16 000 корманди полис кӯчаву хиёбонҳои шаҳрро дидбонӣ мекунанд. Вале дар шаҳрҳои Манчестер ва Бирмингҳем аз баъзе нооромиҳои хуруду пароканда хабар мерасад. Полис мегӯяд, марде ки шаби душанбе дар даруни мошинаш дар Лондон ҳадафи тир қарор гирифт, даргузаштааст. Сарвазир Британия, Дейвид Камерон ҳушдор додааст, ки ошӯбгарон шадидан муҷозот хоҳанд шуд.
