Мақомоти интизомии Тоҷикистон дар нимаи аввали соли ҷорӣ 2751 кило маводи мухаддир гирифтаанд. Дар нишасти хабарии Ожонси мубориза бо маводи мухаддири Тоҷикистон гуфта шуд, ки бо иттиҳоми даст доштан дар қочоқи маводи мухаддир тайи ин муддат 467 нафар, бо шумули 26 шаҳрванди хориҷӣ дастгир шудаанд. 20 тан аз ин атбоъи хориҷӣ аз Афғонистон ва 6 тани дигар шаҳрвандони кишварҳои шӯравии собиқ будаанд.
