Бино ба гузоришҳо, воҳидҳои артиши Сурия рӯзи шанбе ба деҳе дар марз бо Туркия ворид шудаанд. Дар он ҷо 10 000 нафар паноҳҷӯёни Сурия баъд аз саркӯбии тазоҳуроти эътирозии зидди режими Башор Асад дар хаймаҳо ба сар мебаранд. Фаъолони ҳуқуқи башар мегӯянд, сарбозон савори танку зиреҳпӯшҳо вориди деҳаи Бдама шудаанд ва бад-ин тариқ дар шимоли ғарби вилояти Идлиб саркӯбиро идома медиҳанд.
