Мақомоти беҳдошти Олмон мегӯянд, ки ташхиси онҳо манбаи пайдоиши сирояти марговари E.coli-ро мушаххас кардаанд. Аз рӯи гуфтаи онҳо, манбаи эпидемияи ахир, ки 30 нафарро кушта бар ҷой гузошт, пояи лӯбиё ва ё нахӯди сабзе будааст, ки дар хоки Олмон парвариш шудааст. Дар ин бора раҳбари маркази миллии назорат аз густариши бемориҳо хабар дод. Дар Олмон се ҳазор нафар бар асари ин сирояти хатарнок бемор шуданд. Ҳоло, мегӯянд табибон, мизони густариши ин сироят дар ҳоли коҳиш ёфтан аст.
