Оқил Оқилов-нахуствазири Тоҷикистон дар маҷмаи иқтисодии кишварҳои мусулмоннишини ҷаҳон дар Остона-пойтахти Қазоқистон ширкат дорад. Ин маҷмаъ се рӯз давом мекунад ва онро коршиносони ҷаҳони ислом ба маҷмаи иқтисодии Давос шабеҳ медонанд, ки дар он муҳимтарин масъалаҳои иқтисодӣ баррасӣ мешавад. Дар ин маҷмаъ чанд ҷаласаи алоҳида баргузор ва масъалаҳои бонкдорӣ дар ҷаҳони ислом, рушди зербанои молӣ, саноеъи ҳалол, яъне маводи ғизоии ҳалол, манобеи алтернативии энержӣ ва рушди соҳибкории хурду миёна баррасӣ мешавад.
