Иёлоти Муттаҳида хостори то охир фаҳмидани ин шудааст, ки оё дар ин ҳама муддати пинҳон монадани Усома бин Лодин Покистон чӣ саҳм гирифтааст. Раиси бахши зиддитеррористии Кохи Сафед, Ҷон Бренан дар ҳоле ин изҳоротро пахш кард, ки президенти Покистон, Осаф Алӣ Зардорӣ ҳама гуна кӯмаки Исломободро ба бин Лодин рад кардааст. Ҳукумати Покистон мегӯяд, аз рейди, ба гуфтаи он “беиҷоза”-и нерӯҳои Иёлоти Муттаҳида барои қатли Усома бин Лодин амиқан нигарон аст. Дар изҳороти ҳукумати Покистон гуфта мешавад, ин ҳамла набояд ба ҳайси намунаи аъмоли ояндаи Иёлоти Муттаҳида дар Покистон истифода шавад.
Амрико саҳми Покистонро дар махфӣ мондани Усома меомӯзад
