Имрӯз Эрон гуфт, то ҳол расидагӣ ба парвандаи ду шаҳрванди Олмонро, ки бидуни иҷоза дар қаламрави Эрон ба кори рӯзноманигорӣ машғул будаанд, идома медиҳад. Ғулом Ҳусейн Муҳсини Эҷоӣ-Додситони кулли Эрон ба хабаргузории Меҳр гуфтааст, ҳеҷ гуна ҳукми расмӣ эълон нашудааст ва парвандаи ин ду нафар дар ҳоли баррасист. Вай гуфт, ки ин ду нафар чун сайёҳ ба Эрон ворид шудаанд, барои ҳамин онҳоро боздошт кардаанд. Рӯзи якшанбе Олмон хост, ки ин ду рӯзноманигор ҳар чӣ зудтар раҳо шаванд.
