Таркиши интиҳорӣ дар Ироқ имрӯз мунҷар ба ҳалокати дастикам 12 нафар ва ҷароҳат бардоштани беш аз 50 тани дигар шуд. Мақомот мегӯянд, маргталаб мошини бомбгузоришудаи “Ёрии таъҷилӣ”-ро дар шаҳри Бақуба, 60-километрии шимолушарқи Бағдод, болои як маркази тамринии пулис ронд. Ин дуввумин ҳамлаи хунини интиҳорӣ дар Ироқ дар 2 рӯзи охир аст. Дирӯз бар асари ҳамла ба як маркази истихдоми маъмурони пулис дар шаҳри Тиқрит беш аз 50 нафар кушта шуданд.