Куриёи Шимолӣ имрӯз дигарбора ба музокироти беқайду шарт бо рақибаш Куриёи Ҷанубӣ таъкид кард. Пешниҳоди Куриёи Шимолӣ чанд рӯз баъд аз он такрор мешавад, ки Куриёи Ҷанубӣ ва ҳампаймонаш Амрико бо радди пешниҳодҳои пештараи Пхенян гуфтанд, мунтазири иқдомоти амалии Куриёи Шимолӣ ҳастанд, на шунидани ҳарф. Баъди он ки Куриёи Шимолӣ дар моҳи ноябр бо шиллики тӯпхона ба Куриёи Ҷанубӣ чаҳор нафарро кушт, таниш миёни ду кишвар бисёр авҷ гирифтааст.
