Бар асари ду инфиҷор дар ҷануби Афғонистон чаҳор нафар кушта шуданд. Ба иттилоъи мақомоти вилояти Урузгон, шоми сешанбе бар асари таркиши бами канори раҳ се сокини осоишта, аз ҷумла, як корманди маҳаллии СММ, ба ҳалокат расиданд. Як таркиши дигар мунҷар ба ҳалокати сарбози нерӯҳои байнулмилалӣ гардид. Тафсилоти ин таркиш ва ҳуввияти сарбози кушташуда алҳол маълум нест.
