Созмони Афви Байнулмилал дар гузориши нави худ мегӯяд, мақомоти Қирғизистон натавонистаанд, гунаҳкорони даргириҳои байниқавмии моҳи июн дар ҷануби ин кишварро ба ҷазо расонанд ва адолатро барқарор намоянд. Ин гузориш "Ҳақиқати нима ва муҷозоти интихобӣ" унвон шудааст. Дар он талошҳои дарёфти ҳақиқати ҳодисаҳои моҳи июн баррасӣ шуда, омадааст, мақомоти Қирғизистон дар муҷозоти поймолкунандагони ҳуқуқи инсон ноком гаштаанд.
