Се варзишгари навраси тоҷик дар мусобиқоти байналмилалии карате, киёшинкай дар Қазоқистон ду нишони тилло ва як нишони нуқра ба даст овардаанд. Ба иттилоъи хабаргузории “Азия Плюс”, Парвиз Назаров, варзишгари 10 солаи тоҷик дар мусобиқоти карате, соҳиби нишони тилло шудааст. Сӯҳроб Назаров ва Исмоил Назаров дар мусобиқот миёни наврасони то 15 сола нишони тилло ва нуқраро аз они худ кардаанд.
