Паймони низомии НАТО гуфт, ҳамлаи чирикиҳо ба як посгоҳи низомӣ дар шарқи Афғонистон 30 ҷангиро кушта ба ҷо гузошт. Дар ҷараёни ҳамлаи чирикиҳо ба посгоҳи нирӯҳои эътилоф дар улусволии Бирмоли вилояти Пактико 5 сарбози эътилоф низ ҷароҳат бардоштаанд. НАТО гуфт, чирикиҳо бо истифода аз силоҳҳои сабку ва норинҷакандозу хумпораҳо ба посгоҳ шабехун задаанд ва нирӯҳои эътилофӣ барои муқобила аз нирӯҳои ҳавоӣ низ кумак хостаанд. НАТО фармондеҳии нирӯҳои байналмилалӣ дар Афғонистонро бар дӯш дорад.
