Гурӯҳҳои наҷоти Кумитаи ҳолатҳои изтирории Тоҷикистон аз дарёи Сурхоб дар маҳали суқути чархболи нируҳои Горди Миллии Тоҷикистон дар Рашт ҷасади се узви гурӯҳи "Алфа"-ро пайдо кардаанд. Ин се нафар Мискиншоҳ Ироншоев-сокини Хоруғ, Олим Суяров-сокини ноҳияи Данғара ва Ширин Сафаров зодаи ноҳияи Файзобод будаанд. Дар ин бора Кумитаи ҳолатҳои изтирорӣ хабар додааст. Ин Чархбол 6-ӯми октябр суқут кард ва дар он 27 нафар нишаста буданд, ки аз онҳо 20 нафар ба ҳалокат расиданд.
