Дар ҳоле ки танҳо бахше аз оро дар интихоботи Боснӣ ва Ҳерзегувин шумурда шудаанд, аз пешсафии Боқир Иззатбекович, писари президенти Боснӣ дар давраи ҷанги фурӯпошии Югославия, Алия Иззатбекович, хабар мерасад. Бино бар хабарҳо 34 дарсади раъйдиҳандагон аз ӯ дар муқобили президенти феълӣ Ҳорис Силаҷич пуштибонӣ кардаанд. Узви феълии президентии сегона аз тарафи Хорватия, Зелйко Комсич, ки аз Боснии сермиллат ҳимоят мекунад, низ пешсаф аст. Аммо аз сербҳои Боснӣ, президенти феълӣ, Небойса Радманович, ки тарафдори ҷудоии сербҳои Боснист, наздик ба пирӯзӣ мебошад. Ин шашумин интихобот аз замони поёни ҷанги солҳои 1992-1995 дар кишварест, ки ҳамоно аз рӯи мансубиятҳои миллӣ аз ҳам ҷудост ва бояд азми онро ба ислоҳоти иқтисодӣ ва узвияти оянда дар Иттиҳоди Аврупову НАТО нишон диҳад.
