Марк Седвилл, як мақоми баландпояи ғайринизомии НАТО, мегӯяд, зоҳиран баъзе аз пешвоёни аслии шӯришиёни Афғонистон аз ҷанг хаста ва алоқаманди мусолиҳа бо ҳукумат шудаанд. Аммо гуфтааст, Марк Седвилл дуруст нест, агар фикр кунем, ки ин мусолиҳа ба зудӣ даст медиҳад. Ӯ ҳамчунин аз муболиға дар мавриди нишонаҳои майли баъзе аз раҳбарони Толибон ба музокирот бо ҳукумати Афғонистон ҳушдор дод. Марк Седвил, намояндаи НАТО гуфт, ҷараёни мусолиҳа ҳанӯз дар марҳилаи “аввалия” қарор дорад.
