Испониё дар марҳилаи ниманиҳоии Ҷоми ҷаҳонии футбол, тими милли Олмонро бо ҳисоби як бар сифр шикаст дод, ҳамонгуна ки соли 2008 дар бозии ниҳоӣ барои дарёфти Ҷоми аврупо дар шаҳри Вена карда буд. Олмон, ки имсол бозии ғайримунтазирае нишон дод, дар марҳилаи чаҳорякниҳоӣ Аргентинаро бо ҳисоби бузурги чаҳор ба сифр ба қавле беобрӯ кард. Рӯзи якшанбе хоҳем дид, ки Ҷоми ҷаҳонии футбол насиби кӣ хоҳад шуд, Испониё ва Ҳолланд, ки тими Уругвайро аз роҳи расидан ба Ҷоми ҷаҳонии футбол хориҷ кард.
