Ба гуфтаи мақомоти расмии Гурҷистон, пайкараи Сталин дар як осорхонаи махсус барои ӯ гузошта мешавад ва дар ҷойи пайкара, муҷассамаи қурбониёни ҷанги Гурҷистон бо Русия дар соли 2008 насб хоҳад шуд. Дар зодгоҳи Сталин ҳамватанонаш ҳанӯз ҳам бо ӯ ифтихор мекунанд.
Мақомоти Гурҷистон, пайкараи азими Иосиф Сталин, диктатори шӯравии собиқро аз маркази зодгоҳаш шаҳри Горӣ баркандаанд. Пайкараи шашметриро нимашаб ва пинҳонӣ аз чашми мардум баркандаанд ва пулис бо латукӯби баъзе аз хабарнигорон нагузоштааст, то ҷараёнро филмбардорӣ кунанд.