Ба навиштаи як гурӯҳи дидбони сомонаҳои интернетии исломгаро, шабакаи Ал-Қоида даргузашти Язид, мушовири наздики раҳбари шабака Усома Бен Лоден ва раҳбари аршадаш дар Афғонистонро эълон кардааст. Язид, ки бештар ҳамчун Саид ал-Мисрӣ маъруф буд, аз асосгузорони Ал-Қоида ва хазинадори собиқи Бен Лоден шинохта мешавад. Ҷузъиёти марги ӯ нашр нашудааст, вале дар паёми Ал-Қоида ба сомонаҳои ҷиҳодӣ ҳамчунин омадааст, ки зану се духтар, як набера ва ҳамчунин афроди дигар низ кушта шуданд.
