Катрин Эштон-раиси сиёсати хориҷаи Иттиҳодияи Аврупо гуфт, вай омода аст барои музокироти мустақим бори дигар ба Эрон имкон диҳад. Туркия, ки ҳоло раёсати Шӯрои Амнияти СММ-ро бар ӯҳда дорад, ҳафтаи гузашта ба Иттиҳодияи Аврупо пешиниҳод кард, ки қабл аз руҷуъ ба таҳримҳои нави СММ Иттиҳодияи Аврупо бори дигар барои дарёфти роҳи ҳали мусолематомез бо Теҳрон талош кунад. Хонум Эштон аз Аҳмет Довутуғлу-вазири хориҷаи Туркия хост, ки бо Саид Ҷалилӣ-раиси ҳайати музокироти ҳастаии Эрон заминаи мулоқотро фароҳам созад.
