Дар ҷараёни як амалиёти боздошти муҳоҷирони кории ғайриқонунӣ дар Қазоқистон 16 ҳазор нафар шаҳрвандони хориҷӣ боздошт шуданд. 3 ҳазор нафари онҳо аз кишвар ихроҷ шуданд ва афроди боқимонда ҷарима шуданд. Дафтари матбуотии вазорати дохилаи Қазоқистон гуфтааст, бештари ононе, ки муқаррароти муҳоҷиратро риоят накардаанд, шаҳрвандони Ӯзбекистон будаанд ва шумораи онҳо беш аз 10 ҳазор нафарро ташкил додааст. 2 000 нафар шаҳрвандони Қирғизистон ва беш аз 300 нафар шаҳрвандони Тоҷикистон низ ҷарима шудаанд. 61 муҳоҷири кории Тоҷикистон аз Қазоқистон ихроҷ шуданд.
