Тибқи хабарҳо 7 тан бар асари як таркиши худкушона дар бозори шаҳри Гардез, маркази вилояти Пактиёи Афғонистон ба ҳалокат расида, 24 нафари дигар захмӣ шудаанд. Гуфта мешавад, фармондеҳи аршади нерӯҳои амниятии вилояти ҳамсояи Лугар ва чанд муҳофизи ӯ дар байни кушташудагон аст. Тибқи як хабари дигар аз Афғонистон, иҷрокунандаи вазифаи волии Хост, Тоҳирхон Сабрӣ дар як инфиҷор дар дохили пойгоҳи амниятӣ захмӣ гаштааст.
