Қарор аст раҳбарони тақрибан 120 кишвар дар Копенҳагени Дания ба гуфтушунудҳои тағири иқлим бипайванданд, то санад дар бораи меъёри коҳиши газҳои гулхонаӣ барои тасвиб ниҳоӣ шавад. Барак Обама-раиси ҷумҳури Амрико, Маҳмуди Аҳмадинажод-раиси ҷумҳури Эрон, Лула де Силва-раиси ҷумҳури Бразилия, Никола Саркозӣ-раиси ҷумҳури Фаронса аз ҷамлаи онҳо ба шумор мераванд, ки қарор аст дар ду рӯзи оянда дар конфронси Копенҳаген суханронӣ кунанд. Дар ин конфронс Эмомалӣ Раҳмон-раиси ҷумҳури Тоҷикистон низ ширкат дорад. Қарор аст вай низ дар ин конфронс суханронӣ кунад. Интизор меравад, ки конфронс кори худро рӯзи ҷумъа ба поён расонад.
