Пайвандҳои дастрасӣ

Брюссел таҳримҳо алайҳи Узбакистонро бекор кард


Иттиҳодияи Аврупо охирин таҳримҳо алайҳи Узбакистонро лағв кард.

Дар нишасти вазирони умури хориҷаи Иттиҳодияи Аврупо дар Люксембург изҳори умедворӣ шуд, ки ин тасмим ба беҳбуди вазъи ҳуқуқи башар дар Узбакистон мусоидат хоҳад кард. Дар ин нишаст гуфта шуд, ки Брюссел аз вазъи ҳуқуқи башар дар ин кишвари Осиёи Марказӣ нигарон боқӣ мемонад.

Таҳримҳои Иттиҳодияи Аврупо алайҳи Тошканд чанд моҳ баъд аз саркӯбсозии тазоҳуроти сокинони шаҳри Андиҷон дар моҳи майи соли 2005 ва сарпечии мақомоти Узбакистон аз пажуҳиши мустақилонаи байнулмилалии ин ҳаводис ҷорӣ шуда буданд.

Соли гузашта Иттиҳодияи Аврупо таҳримҳои марбут ба маҳдудияти дарёфти раводид аз сӯи мақомоти Узбакистонро бекор карда буд.

Акнун маҳдудиятҳо дар робита ба манъи хариду фурӯши силоҳ бо Узбакистон низ аз байн бурда мешаванд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG