Раҳбари пешини сербҳои Боснӣ Биляна Плавшич баъд аз 8 сол аз маҳбас озод шуд. Ба иттилоъи хабаргузориҳо, хонум Плавшич имрӯз зиндон дар Шветсияро тарк намуд ва ҷониби Сербистон раҳсипор шуд. Гуфта мешавад, ки раҳбари пешини сербҳои Боснӣ барои рафтори хуб дар маҳбас ва иқрори ҷиноёташ се сол пеш аз мӯҳлат чаҳордевори маҳбасро тарк намудааст.
Биляна Плавшич, ки баъд аз Радован Караҷич раҳбари сербҳои Боснӣ интихоб шуда буд, барои “поксозии қавмӣ” ва таъқиби мусалмонҳову хорватҳо замони ҷанг дар Боснӣ ва Ҳерсеговина дар нимаи аввали солҳои 90-ум аз сӯи Додгоҳи Ҳейг ваё Гаага барои 11 сол маҳкум ба зиндон шуда буд.
Биляна Плавшич, ки баъд аз Радован Караҷич раҳбари сербҳои Боснӣ интихоб шуда буд, барои “поксозии қавмӣ” ва таъқиби мусалмонҳову хорватҳо замони ҷанг дар Боснӣ ва Ҳерсеговина дар нимаи аввали солҳои 90-ум аз сӯи Додгоҳи Ҳейг ваё Гаага барои 11 сол маҳкум ба зиндон шуда буд.
