Имрӯз Дмитрий Медведев ва Нурсултон Назарбоев- руасои ҷамоҳири Русияву Қазоқистон қабл аз боздид аз минтақаи Дарёи Хазар ё Баҳри Каспий дар Оренбург бо ҳам мулоқот карданд. Медведев баъд аз мулоқот гуфт, ки Русияву Қазоқистон як ниҳоди муштараки ғайринизомии энержии ҳастаӣ созмон медиҳанд. Шоми имрӯз Медведев ва Назарбоев ба шаҳри Оқтауи Қазоқистон рафтанд, то дар он ҷо дар мулоқоти раҳбарони чаҳор кишвари ҳавзаи Дарёи Хазар ширкат кунанд. Дар мулоқот раҳбарони Туркманистону Озарбойҷон низ шикат хоҳанд кард.
