Мақомоти Русия мегӯянд, дар натиҷаи садама дар бузургтарин нерӯгоҳи барқи обии ин кишвар ҳашт нафар ҳалок ва 54 тани дигар бенишон шудаанд. Садама ҳангоми тармими нерӯгоҳи Сайано-Шунинский дар рӯдхонаи Енисей ба вуқӯъ пайвастааст. Баъди ҷорӣ шудани об ба яке аз пойгоҳҳои турбина, кори ин нерӯгоҳро боздоштанд, ки дар натиҷа хонаву корхонаҳои азиме ба мисли корхонаи тавлиди алюминиум дар ин минтақа аз нерӯи барқ маҳрум шуд.
