Як мақоми баландояи Русия гуфт, Туркия ризоият додааст, то лӯлаи гази “Маҷрои Ҷанубӣ” аз тариқи қаламравҳои обии он кашида шавад. Интизор меравад, созиши дар ин мавридро Владимир Путин – нахуствазири Русия ва Раҷаб Тайиб Эрдӯғон ҳамтои турки он имрӯз дар Анқара имзо кунанд. Русия, ки мехоҳад саҳми бештаре дар бозорҳои энержии Аврупо дошта бошад, талош дорад, ҳарчӣ зудтар тарҳи бунёди лӯлаи гази “Маҷрои Ҷанубӣ”-ро амалӣ кунад.
