Юсуф Разо Гилонӣ-нахуствазири Покистон ба нируҳои артиш дастур додааст, ки террористҳо ва шӯришиёнро аз байн бибаранд. Гилонӣ дар ин бора дар як паёми телевизионии худ рӯзи панҷшанбе сӯҳбат мекард. Вай гуфт, талошҳои шӯришиён барои ба ҳам задани амнияту субот ба ҷое расидааст, ки ҳукумат бояд "тасмими қотеъ" бигирад. Низомиёни Покистон рӯзи панҷшанбе гуфтанд, дар даргириҳои водии Свот 10 сарбози артиш ҷароҳат бардоштаанд.
