Раҳбарони кишварҳои узви Иттиҳодияи Аврупо дар ҳамоиши худ дар Берлини Олмон ба тавофуқ расиданд, ки бояд бозорҳои молӣ танзим шаванд. Хонум Ангела Меркел-нахуствазири Олмон, ки мизбони ин ҳамоиш буд, изҳор дошт, ки раҳбарони Аврупо ба таври қатъӣ барои бозгардонидани бозорҳои молӣ ба ҳолати маъмулӣ ба тавофуқ расидаанд. Гордон Браун-нахуствазири Бритониё гуфт, ширкаткунандагони ҳамоиш ҳамчунин ризоят додаанд, ки дар Сандуқи Байналмиллалии Пул саҳмиҳои ин кишварҳо афзоиш ёбад.