Мақомоти Афғонистон мегӯянд, имрӯз як бамгузори интиҳорӣ дар дохили маркази омӯзишии пулиси вилояти Урузгон худро мунфаҷир сохт. Дар ин ҳодиса 18 афсари пулис кушта шудаанд. Ҷумъагул Ҳиммат-раиси пулиси вилоят мегӯяд, ин ҳамла дар Тирин Котон-маркази идории ин вилоят анҷом гирифтааст. Ба гуфтаи Ҳиммат, , дар ин инфиҷор кормандони дигари пулис низ ҷароҳат бардоштаанд ва ҷароҳати 7 нафари онҳо ҷиддист. Аз шиддати инфиҷор чанд бинои атроф осеб дидааст.