Сафирони Русия ва Паймони Атлантики Шимолӣ имрӯз дар мулоқоти ғайрирасмӣ дар Брусел ояндаи равобити байниҳамиро баҳс хоҳанд кард. Кори Шӯрои Русия ва НАТО пас аз ҳамлаи Русия ба Гурҷистон дар моҳи августи соли гузашта қатъ гашта буд. Ҳамоиш дар ҳоле ҷараён мегирад, ки сарони Русия гуфтаанд, дар масъалаи интиқоли икмолоти НАТО ба Афғонистон аз қаламрави Русия ҳамкорӣ хоҳанд кард.
