Нахуствазири Ҳинд Манмуҳан Сингҳ рӯзи шанбе дар як касалхонаи Деҳлии Нав амалиёти ҷарроҳии қалбиро аз сар гузаронд. Тибқи баъзе манбаъҳои тиббӣ, сиҳҳатии Сингҳи 76-сола мӯътадил ва хуб арзёбӣ мешавад. Ӯ бояд таи 48 соати дигар зери назорати бевоситаи табибон қарор гирад. Қабл аз ҷарроҳӣ табибон гуфтанд, ки интизор доранд дар як моҳи дигар нахуствазир сари кор баргардад.