Мақомоти Тоҷикистон гуфтанд, кишвари ҳамсояи Узбакистон нерӯи барқи қарзгирифтаи худро 60 дарсад баргардонд. Узбакистон ҳамасола аз тариқи шабакаи ягонаи барқ аз Тоҷикистон дар мавсими гармо 900 миллион киловат-соат нерӯи барқ гирифта, дар ивази он зимистон ба Тоҷикистон наздик ба 600 миллион киловат-соат нерӯи барқ медиҳад. Бархе аз коршиносон нархгузории нерӯи барқро дар ин додуситад нобаробар ва ноодилона мешуморанд. Охири имсол тарафҳо барои соли оянда дар ин бобат созишнома ба имзо мерасонанд.
