Созмони Афви байнулмилал дар гузориши нави худ мегӯяд, дар марзи воқеъии миёни Гурҷистон ва Осетияи Ҷанубӣ ҳолати беқонунӣ идома дорад, ки аз бозгашти беш аз 20 ҳазор нафар ба манзили зисташон ҷилавгирӣ мекунад. Никола Дукворс, мудири барномаи Афви байнулмилал барои Аврупо ва Осиёи Марказӣ, гуфт, "ғоратгарӣ, тирандозӣ, таркиш ва одамрабоиҳо ҳодисаҳои маъмулии чанд ҳафтаи ахир шудаанд." Афви байнулмилал мегӯяд, тақрибан 24 ҳазор гурҷитабор аз имкони бозгашт ба хонаҳои худ дар Осетияи Ҷанубӣ ва манотиқи ҳоиле, ки Русия таҳмил кардааст, маҳруманд
