Дипломатҳои аршади шаш қудрати ҷаҳонӣ -- Иёлоти Муттаҳида, Бритониё, Чин, Фаронса, Русия ва Олмон қарор аст имрӯз дар Порис, пойтахти Фаронса, роҳҳои мутақоъид кардани Эронро ба қатъи ғанисозии урониум баррасӣ мекунанд. Иёлоти Муттаҳида ва ҳампаймонҳои он дар Аврупо, ки мегӯянд, Теҳрон дар пайи дастёфт ба силоҳи ҳастаист, хоҳони эъмоли басти савуми таҳримҳои зидди Теҳронанд, аммо Русия ва Чин чораҳои муҷозотиро пуштибонӣ намекунанд. Эрон мегӯяд, барномаи ҳастаии он хосияти сулҳомез дорад.
