Президенти мунтахаби Иёлоти Муттаҳида Барак Обама ба думболи пирӯзии чашмгираш дар интихототи рӯзи сешанбеи Амрико ба ташкили ҳукумати худ оғоз кард. Тибқи хабарҳо вай ба узви Конргесс Рам Эмануел пешниҳод кард, раёсати дастгоҳи Кохи Сафедро бар ӯҳда бигирад. Эмануел, ки низ монанди Обама аз Чикагост, қаблан дар ҳукумати президенти пешин Билл Клинтон дар Кохи Сафед ба ҳайси мушовир кор кардааст. Расми савганди Обама ҳамчун нахустин президенти сиёҳпӯсти Амрико рӯзи 20-уми январи соли 2009 баргузор мешавад.
