Бо қарори ҳукумати Тоҷикистон Абдулмаҷид Усмонов, собиқ муовини раиси телевизиони “Сафина”, раҳбари телевизиони тозабунёди “Ҷаҳоннамо” ва Сӯҳроб Рафиев, сардабири пешини идораи “Ахбор”-и шабакаи аввали телевизиони Тоҷикистон, муовини раиси “Ҷаҳоннамо” таъйин шуданд. Ин шабакаи ҷадиди телевизионӣ бо қарори ҳукумат аз 29 октябр таъсис ёфта, интизор меравад, аз рӯзи 5 ноябр ба пахши барномаҳояш шурӯъ кунад. “Ҷаҳоннамо” шабакаи иттилоотӣ буда, қарор аст, 24 соат дар шабонарӯз барнома нашр кунад.
