Тибқи гузоришҳо, як вакили парлумони Ироқ дар шаҳри Садри Бағдод ба қатл расидааст. Солеҳ Ал-Оғойлу бо ҷабҳаи рӯҳонии тундрав Муқтадо Садр робита доштааст. Ҳизби ӯ бо пахши иттилоияе навиштааст, ки дар ҳодисаи таркиши бомба инчунин як раҳгузар кушта ва чаҳор нафар маҷрӯҳ шуданд. Баъди таркиши парлумон дар таърихи 12 апрели соли 2007 ин нахустин ҳодисаи куштори қонунгузори ироқӣ мебошад. Дар ҳодисаи соли гузашта як вакил ва ҳафт нафари дигар ҷони худро аз даст доданд.
