Чунин натиҷаҳои мулоқот бо сарони Иттиҳоди Аврупо дар Порис барои президенти Укроин, Виктор Юшенко мусбат шумурда намешаванд, дар ҳоле ки назар ба моҷарои сиёсӣ дар ватанаш вай бештар аз ҳама ба натиҷаҳои комилан мусбат ниёз дошт.
Сафари ӯ ва дидораш бо президенти Фаронса, Николас Саркозӣ, президенти кишваре, ки раёсати даврии Иттиҳоди Аврупоро бар зимма дорад, дар ҳоле сурат мегирад, ки эътилофаш бо раҳбари дигари Инқилоби норанҷӣ, сарвазир Юлия Тимошенко фурӯ пошидааст ва ҳамзамон аксари коршиносон, Қримро ҳадафи нави нуфузгароии Русия мешуморанд.
Укроин умедворие дошт, ки дар пасманзари амалиёти Русия дар Гурҷистон, кишвари дигари марбут ба инқилобҳои ранга ва дорои раҳбари ғарбгаро дар симои Михаил Саакашвилӣ, Иттиҳоди Аврупо бо пешниҳоди "ояндаи аврупоӣ" ба ҳаракати Укроин дар самти узвияти Киев дар Иттиҳоди Аврупо роҳ мекушояд.
Аммо Иттиҳоди Аврупо, бояд гуфт, дар мулоқоти Порис, ҳамчунин раиси Кумисюни Аврупо Жозе Мануел Баррозо ва масъули сиёсатҳои хориҷии иттиҳод, Ҳавийер Солана, низ ширкат карданд, ба Укроин "созишномаи вобастагӣ" ё равобити наздиктарро пешниҳод кард, ки барои Киев кофӣ шумурда намешавад. Ин ҳам дар ҳолест, ки Укроин мехоҳад, дар муқобили фишори Маскав сипаре дошта бошад ва ҳам омодааст ба гузаргоҳи нафту гази Осиёи Марказӣ ва Қафқоз ба Аврупо табдил ёбад. Вале дархосту орзуҳои Киев ба равобити миёни Иттиҳоди Аврупо ва Русия низ печ хӯрдааст, ки то рафт мушкилтар мешаванд.
Томас Валасек аз Маркази ислоҳоти Аврупо дар Лондон мегӯяд, Иттиҳоди Аврупо инро ҳам мадди назар дорад, ки пуштибонӣ аз тарҳи густариши он то рафт камтар мешавад, аммо нишасти Порис паёми қавие дорад.
"Фароянди наздикии бештари Укроин бо Иттиҳоди Аврупо як навъ паёмест ба Русия, ки ин иттиҳод истилоҳи "манотиқи нуфуз"-ро қабул надорад ва кишварҳои ҳаммарзи Русия, монанди Укроин, Молдова, Озарбойҷон, яъне кишварҳое, ки Русия онҳоро зери нуфузи худ мешуморад, бояд ҳаққи тасмимҳои сиёсти хориҷии худро дошта бошанд ва агар мехоҳанд ба Иттиҳоди Аврупо ё ҳатто НАТО бипайванданд, ин ҳаққи онҳост. Аслан Иттиҳоди Аврупо гуфтан мехоҳад, ки ҷанги Гурҷистон ин мавзеъро тағйир надодаанд ва Укроин дар узвияташ ба иттиҳод бояд озод бошад."
Томас Валасек мудири мутолиоти сиёсати беруна ва дифоъ дар Маркази ислоҳоти Аврупо дар Лондон.
Пас метавон гуфт, ба сурати умум ҳамоиши Порис бештар ба маънии ҳамин паём буд, ҳарчанд тарафҳо дар он ояндаи равобит ва роҳҳои таҳкими онро нимз баррасӣ карданд. Вале ин ҳам дар ҳоле ки аъзои Иттиҳоди Аврупо на дар мавриди Русия ва на дар марвиди Укроин назари комилан ягона ва боистеҳком надоранд.
Дустони азиз равони устодро бигзоред ором бошад хадди акал биёед хамин дарди махалгароии саркубшударо боз накунем. Устод фарзанди халки точиканд ба хамаи точикон тааллук доранд. Биёед мактаби он шахсиятро идома дихем ва китобхову суханонашонро пахн ва нашр кунем
Аллох аз ин фитнахои абаркудратхо ватани моро нигохбон бош..Чи фитнае каданиян миллати точик сарчам бшен
Чаноби Рохнамо ай масъалаи авгонистонда масъалаи дохилитона хал кнен. Света дода наметонен кчо фалсафаи саргичкнанда мехонен.
Худо рахмат кунад устода, рости гап ман як чавони кучагард дар хаетам ягон китоб на хондам лекин вактхои охир бисёр интересават карда истодаам тарихи точиконро ва бузургони точикро. Худо хохад мумкин дар оянда шори кунам ва ягон китоби хаети худро нависам чунки бисёр хаети нооромона талотуп аз сар гузаронда истодаам,медонам барои шоири забонро бояд сад фоиз аз худ куни, барои хамин шуда кам кам хозир ба кисми хондан гузаштам ва мастерствои худро дар радиои озоди отчиватся карда истодаам.
Агар шароит дар хизмат нагз бошад бачахо бо рохи зури не бо хости худашон мераванд