Имрӯз дар шаҳри Душанбе раҳбарони Тоҷикистону Чин Эмомалӣ Раҳмон ва Ҳу Ҷинтао эъломияи таҳкими равобити ҳусни ҳамҷаворӣ, дӯстӣ ва ҳамкориҳоро ба имзо расониданд. Ҳамчунон ба қавли хабарнигори Радиои Озодӣ дар арафаи мулоқоти раҳбарони кишварҳои узви Созмони Ҳамкориҳои Шангҳай дар пойтахти Тоҷикистон 12 санади дигари рушди ҳамкориҳои дуҷонибаи Тоҷикистону Чин имзо шудаанд.
