Барномаи Озуқаи Созмони Милали Муттаҳид ба хотири пешгирӣ аз гуруснагӣ дар Тоҷикистон, ба ин кишвар дар ҳаҷми 10 миллион доллар кӯмаки ғизоӣ медиҳад. Муассисаи мазкур имрӯз гуфт, қимати нону равғани рустанӣ дар Тоҷикистон имсол ду маротиба боло рафта ва нархи маводи ғизоӣ 50 фоиз гаронтар шуд. Ҳосили зироат дар Тоҷикистон имсол бинобар зимистони қаҳратун, хушксолӣ, ҳамлаи малах, ва камбуди обу нерӯи барқ дар муқоиса ба солҳои гузашта камтар шудааст.
