Ҳамзамон бо Бозиҳои олимпии Пекин дар Деҳлӣ, пойтахти Ҳиндустон, аз тарафи тибетиҳои муҳоҷир "Бозиҳои олимпии мустамликадорӣ" ифтитоҳ ёфтанд. Дар ин мусобиқаҳо, ки Ҷабҳаи озодибахши ҷавонони Тибет ташкил кардааст, варзишгарон аз Тибет, Шинҷон, Муғулистони Чин ва Манҷурия ширкат доранд. Ин сабқат ҳамзамон бо намоишҳои эътирозии зиддичиноӣ дар Ҳиндустон ҷараён мегиранд.
