Яке аз вакилонои Караҷич, Светозар Вуячич аз посухи рӯйирост ба пурсиши хабарнигорон гурехт ва инро низ бахше аз шеваи ҳимояти ҳуқуқии Караҷич номид: "Ман ба шумо гуфта наметавонам, аз куҷо, кай ё чӣ хел ман номаро фиристодам. Ин ҳам стратегияи дифоъист, зеро агар ман ба шумо мегуфтам, ки кай ва аз кадом идораи пуст ман номаро равон кардам, мутмаъинан дархост шаби ҷумъа рад мешуд ва субҳи дигараш Радован ба Ҳейг мерасид."
Вуячич афзуд, ҳайати додварон танҳо замоне дар мавриди дархости мо тасмимгирӣ карда метавонад, ки санади ирсоли онро низ бигирад. Вале сухангӯи додгоҳи Белград гуфт, агар нома дар мӯҳлати қобили фаҳм ба додгоҳ нарасад, додварон бе он низ тасмимашонро хоҳанд гирифт.
Радди дархостнома ба Вазорати адлия имкон медиҳад, истирдоди Караҷичро ба Додгоҳи Созмони Милали Муттаҳид дар умури Югославии собиқ таъмин намояд. Дар ин додгоҳ Караҷич бо иттиҳомоти наслкушӣ ва ҷиноятҳои зидди башар дар робита ба гулӯлаборони солҳои 1992-96-и Сараево ва қатлиоми соли 1995-и Сребренитса рӯбарӯ хоҳад шуд.
Вакил Вуячич бовар дорад, ки ҳайати додварон кайҳо тасмимашро гирифтааст: "Ҳамаи эҳтимолҳо ҳаст. Вақте онҳо ба шумо хоҳанд гуфт, ки дархостнома расид, инро ҳам хоҳанд гуфт, он рад шуд."
Сухангӯи Додгоҳи Ҳейг гуфт, додгоҳ интизори интиқоли Караҷич аст ва омодааст, ӯро дар боздоштгоҳи худ ҷой диҳад.
Дар ин байн Ҳизби радикали серб тарафдорони Караҷичро бо автобусҳо ба пойтахт мекашонад, то онҳо дар як намоиши эътирозӣ ширкат кунанд. Дар аввалин лаҳзаҳои оғози ин ҳамоиш бисёриҳо изҳори ҳарос мекарданд, ки ин раҳпаймоӣ ба хушунат ва зӯровариҳо сабаб хоҳад гашт. Айнин чунин хушунатҳо дар моҳи феврал, баъд аз шинохти истиқлолияти Косово аз тарафи Ғарб ба вуқӯъ пайваста буд.
Чин бе фоиз карз медихаду бад заминро аз худ мекунад ба чои карз
Кулли омин БАДТАР гуфтаанд гузаштагони мо ТОЧИКХО.
Ба Суд мурочиат намуда аз корхона чуброн талаб намоед
Орзухои ширини халки Точик. Амали шудани онро дар шароити фсадзадаи имрузае, ки мо дорем Худо хам намедонад.
Зиндагони дар Точикистон ай солхои 90 дида холо хело вазнин шудааст. Рахмон дар давоми 28 сол натонист кишваро аз бухрон начот дихад. Хуб мешуд ба нафака мебаромад ягон шахси дигар президент мешуд шояд зиндагии халк бехтар мешуд.