Садоқат - як фармондеҳи собиқи Толибон ба бахши афғонии Радиои Озодӣ гуфт, ҷангӯёни гурӯҳи ӯ ду маъмури имдодии фаронсавиро рӯзи ҷумъа рабуданд. Садоқат зимни сӯҳбати телефонӣ бо Радиои Афғонистони Озод аз вилояти Дай Кундӣ масъулияти рабудани шаҳрвандони Фаронсаро бар дӯш гирифт, вале барои раҳоии гаравгонон ҳеҷ шартеро ҳам пеш нагузошт. Ба гуфтаи ӯ, маъмурони имдодиро барои он рабуданд, “то мушкилоти мавҷуд бо мақомоти маҳаллӣ ҳал шавад” ки ин фармондеҳро ба қавли худаш "дар канор" гузоштаанд.
