Яап Де Ҳуп Скеффер, дабири кулли НАТО гуфт, ки барои коҳиши нируи ҳайати байналмилалии посдорони сулҳ ҳеҷ далеле буда наметавонад. Изҳороти Скеффер дар Косово садо дод, ки чун ишорае ба интиқоли бархе аз салоҳиятҳои СММ ба дӯши давлати тозатаъсиси Косово арзёбӣ мешавад. Косово моҳи феврал мустақилияти худро аз ҳайъати Сербистон эълон кард ва то имрӯз 40 давлати ҷаҳон ин истиқлолиятро ба расмият шинохтаанд. Мухолифони ашаддии ин истиқлолият Сербистон ва Русия мебошанд.
