Пайвандҳои дастрасӣ

Бино бар иттилоъи рӯзномаи «Эрон», нашрияи мансуб ба ҳукумати Ҷумҳурии исломии Эрон, чаҳоршанбеи 11-уми июн дар кишвар 8 мард ба дор кашида шуд.

Гуфта мешавад, ин 8 нафар мард бо ҷурмҳои куштор ва таҷовуз чунин муҷозо шуданд. Ба қавли рӯзномаи «Эрон», муҷозот дар зиндони машҳури «Эвин», шимолии пойтахти кишвар Теҳрон, мавриди амал қарор гирифтааст.
Ин ҳам дар ҳолест, ки ҷузъиёти ҷинояти ин 8 нафар эъдомшуда ҳамоно равшан нашудааст. Вале муқаррар шудааст, ки 6 нафари ин ҷинояткорон аз 34 сол камтар синн доштаанд.
Куштор, таҷовуз, ғорат ва дуздии мусаллаҳона, ҳамчунин гардиши ғайриқонунии маводди мухаддира дар Ҷумҳурии исломии Эрон ҳамоно қонунвайронкуниҳои ҷиддӣ, ки солҳои ахир ба таври қобили мулоҳиза дар кишвар рух медиҳанд, маҳсуб мешаванд.
Дар ҳамин ҳол то имрӯз 63 нафар одамон, ки дар байнашон занон кам нестанд, дар Эрон тавассути ба дор кашидан эъдом шудаанд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG