Барак Обама гуфт, дар сурати интихоб шудани вай ба мақоми раёсатҷумҳурии Амрико, ҳама талошашро ба харҷ хоҳад дод, то ки пеши роҳи Теҳронро барои эҷоди аслиҳаи ҳастаӣ бигирад. Суханронии Обама дар Кумитаи равобити Исроилу Амрико чанд соат баъди он садо дод, ки вай дар даври ниҳоии интихоботи муқаддамотии ҳизби демократ раъйи лозимаи вакилонро ба даст овард. Вай гуфт, ки Эрон ба амнияти Ховари Миёна ҷиддан таҳдид мекунад ва вазифаи вай ба унвони як президент бартараф кардани ин хатар хоҳад буд.
