Пайвандҳои дастрасӣ

Кумаки башардӯстонаи Қирғизистон ба Тоҷикистон


Субҳи имрӯз, 4-уми июн, 7 мошини ҳомили маводди башардӯстона аз шаҳри Ӯши Қирғизистон ҷониби марзи Тоҷикистон равона шуд.

Ин мошинҳо 100 тонна ордро ба Тоҷикистон интиқол доданд, ки мавриди эҳтиёҷи мардуми ин кишвари ҳамҷавор мебошад.
Ба иттилоъи Айнура Эшоналиева, сухангӯи Вазорати хориҷаи Қирғизистон, ин кумак дар пайи боздиди мақомоти раҳбарии кишвараш аз вилояти Суғди Тоҷикистон амалӣ гардид. Хонум Эшоналиева инчунин мутазаккир шуд, ки мақомоти кишвараш огаҳ аст, ки дар шурӯъи соли равон сармои шадид иқтисоди Тоҷикистонро ба хисороти зиёд мувоҷеҳ намуд.
Бар асоси суханони сухангӯи Вазорати хориҷаи Қирғизистон бо дарназардошти ҳусни ҳамҷаворӣ ва равобити неку дӯстонаи миёни ин ду кишвар ахиран ҳукумати Қирғизистон тасмим гирифт, ки барои мардуми ин кишвари ҳамҷавор ёрии башардӯстона расонад.
Гуфта шуд, ки интиқоли ин маводди башардӯстонаро кормандони Вазорати вазъи изтирории Қирғизистон ҳамроҳӣ мекунанд.
Дар ҳамин ҳол Айнура Эшоналиева таъкид кард, ки, тибқи мувофиқатномаи байни ду кишвар, Тоҷикистон мукаллаф аст минтақаҳои бо вилояти Суғд ҳаммарзи Қирғизистонро дар фасли зимистон бо барқ таъмин намояд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG